BUTUAN CITY – Usa na ka tawo ang natalang patay ug libuang katawhan ang napugos sa paghikling sa nagkada-iyang lalawigan sa Caraga Region tungod sa pagkuso-kuso sa bagyong Basyang nga nag-landfall sa lungsod sa Bayabas, Surigao del Sur kagabii.
Ang natalang patay usa ka babaye nga nakit-an nga nasangit human siya na-anod sa tubig- baha sa Andanan River sa Purok 9, Brgy. Noli, Bayugan City sa lalawigan sa Agusan del Sur kagahapon ug anaa na siya sa kustodiya sa iyang pamilya.
Samtang, gatusan usab ka mga evacuees ang natala sa mga lungsod sa mga lalawigan sa Surigao del Sur ug Surigao del Norte, Agusan del Sur ug Agusan del Norte, apil na usab sa Dinagat Islands.
Sa panig usab sa Coast Guard Station Surigao del Norte, gipadayag ni Ensign Roy Christopher Orillaneda nga nakarekord na sila og 171 ka mga pasaherong na-stranded gikan sa Surigao ug Lipata Ports sa Surigao City, ug 69 ka rolling cargoes, human masuspinde ang tanan nga biyaheng pandagat sa tanang matang sa mga sakyanan aron masiguro ang kaluwasan sa tanan.
