BUTUAN CITY-Human sa kapin 2 ka simana nga pagpahuway tungod sa sakit nga diverticulitis, mi-atubang na sa publiko kagahapong adlawa Huwebes Pebrero 5, 2026 si President Ferdinand Marcos Jr. gani murag nagniwang ang Presidente, apan sumala sa Malakanyang nga ang pagtambong sa Presidente sa 2 ka aktibidad, tima-ilhan matud pa sa iyang inanay nga pagbalik sa normal nga opisyal sa schedule human sa iyang pagpahuway ug gisiguro nga maayo ang kahimtang niini.
Sa event nga gitambungan niini, gipalig-on ni President Marcos ang suporta sa gobyerno sa edukasyon ug skilled training diin sumala niini, importante nga puhonan aron mahimong andam ug competitive ang mga Pilipino. Sa paglusad sa TESDA Skills Passport Mobile Application, gipasi-ugda sa Presidente ang papel sa edukasyon ug kahanas sa paghulma sa mas-mauswagon ug lig-on nga kaugmaon.
Gisiguro usab sa Presidente, nga padayong ipatuman sa gobyerno ang mga reporma aron nga mapadali, mapalapdan ug himoung barato ang internet services sa nasud.
Sa iyang speach sa Philippine Telecommunications Summit 2026, sigon sa Presidente nga gipakusgan sa panggamhanan ang Nationwide Connectivity pinaagi sa reporma sama sa Konektadong Pinoy kinsa nagtangtang sa dugay nang babag sa industriya ug nagbukas sa mas-halapad nga partisipasyon.
