BUTUAN CITY – Mi-abot na sa 45 ang narekober nga patay’ng lawas gikan sa mitiklaob nga roll-on roll-off vessel nga MV Trisha Kerstin 3 human nakarekober ang Philippine Coast Guard (PCG) og duha pa ka patay’ng lawas sa ilang search, rescue and recovery operations sa katubigan duol sa Baluk-Baluk Island, Basilan kagahapong adlawa.
Sumala sa PCG, narekober sa rescuers uban sa mga boluntaryong mangingisda ang nakakita sa mga lawas nga gi-turn over alang sa identification ug husto nga pagdumala.
Tungod niini, misaka na sa 45 ang kinatibuk-ang ihal sa mga namatay, samtang nagpabilin sa 316 ang mga naluwas sa maong insidente.
Padayon ang search and rescue operations alang sa mga missing nga mga pasahero M/V Trisha Kerstin ug gilauman nga magpagawas pa og dugang nga update ang mga otoridad sa sunod nga mga oras.
