BUTUAN CITY – Gilusad sa Department of Education kon DepEd-Bicol Region ang psychological support initiative nga “Building Innovative Leadership and Indomitable Bicolanos: Galing, Talino at Serbisyong May Puso kon BILIB:GTS module alang sa mga estudyanteng apektado sa padayong pag-alburuto sa bulkang Mayon sa lalawigan sa Albay.
Sigon ni DepEd-Bicol project development officer 2 Mark Kevin Arroco, tumong niini nga magsilbing localized modules nga mahimong gamiton sa mga schools division offices ingon man sa mga trained facilitators ug mga partner organizations ngadto sa mga magtutungha aron matabangan silang makabangon gilayon gikan sa traumang hatud sa mga kalamidad.
Kini tungod kay kadaghanan sa mga estudyante, isibog una ang klase ilabina kadtong anaa sulod sa 6-kilometer permanent danger zone samtang ang ubang mga tunghaan, gigamit nga evacuation centers sa mga internally displaced persons nga naka-apekto gihapon sa mga estudyante.
Tumong sa inisyatiba nga masayran ang gibati sa mga magtutungha nga maoy gamiton sa mga facilitators aron muhatag og tukma nga aksyon.
