BUTUAN CITY – Giduso karon sa House of Representatives ang balaodnon nga nagtinguha nga patas-an ang binuwan nga cash grants sa Pantawid Pamilyang Pilipino Program (4Ps) alang sa edukasyon, pag-atiman sa panglawas, ug nutrisyon.
Sigon si House Majority Leader ug Ilocos Norte First District Rep. Ferdinand “Sandro” Marcos III, gihingusgan karon sa House Committee on Appropriations aron mapapasar na usab ang gikinahanglang pondo alang niini.
Una nang gi-aprobahan sa House Committee on Poverty Alleviation ang maong balaodnon sa wala pa kini gi-review sa Committee on Appropriations.
Ang substitute measure usa ka konsolidasyon sa pipila ka mga House Bills o usa ka balaod nga nag-amenda sa mga Seksyon 2, 3, 7, 10, 11 ug 22 sa Republic Act No. 11310, nga nailhan usab isip Pantawid Pamilyang Pilipino Program (4Ps) Act.
