BUTUAN CITY – Gikumpirma ni PCol Lemuel Gonda, bag-ong regional chief sa Regional Anti-Cybercrime Unit kon RACU- 13 nga nahatagan og temporaryong kagawasan ang pekeng dentista nga ilang nadakpan sa Brgy Ampayon ning siyudad sa Butuan tungod sa delikado niining gihanyag nga dental services gumikan sa kawala niya’y lisensya.
Sa eksklusibong pakighinabi sa Bombo Radyo Butuan, gipadayag sa opisayal nga tuli ka adlaw nga monitoring ang ilang gihimo adiser giludad ang entrapment operation sulod lang sa iyang balay diin siya naghatag og baratong dental services nga naghatag og kabalaka sa Philippine Dental Association-Butuan Chapter.
Dugang pa ni PCol Gonda, adiser gihimo ang operasyon, gi-verify pa kini sa Philippine Dental Association ug sa Professional Regulation Commission aron masuta kung adunay lisensya ang suspek kinsa gawasnon temporaryo human nakapyansa og P70,000.
Samtang nagpahimangno si Col. Gonda sa katawhan nga magmatngon ug magbinantayon, ilabina nga nagka-uso na karon ang cybercrime, dayong pahinumdom sa tagline nga “think before you click” sa atoang kinabuhi.
Gipasabot usab sa hepe ang ka-importante sa pagsusi sa bisan unsang e-mail, tawag, o mensahe nga musulod sa atong cellphone ug dili magpataka og tuplok o paghatag og impormasyon, bisan pa og kini libre.
Gipahimangnoan usab niini nga dili dayon musalig, ilabina kung personal nga impormasyon ang hisgutan.
