BUTUAN CITY – Gipakoral na ni Rey Malcampo, ang mi-angkong tag-iya sa yuta nga gitarukan sa gi-demolish nga mga balay sa Purok 3, Brgy Doongan ning siyudad sa Butuan human ang hingpit nga demolisyon ning mi-aging adlaw.
Sa eksklusibong pakighinabi sa Bombo Radyo Butuan, gipadayag niining adiser niya gipalit ang maong yuta, iya pa kining gipasusi og maayo sa Registry of Deeds ug sa uban pang hngtungdang ahensya sa gobyerno ngadto sa sentrong buhatan sa kauluhan.
Mi-abot matud pa sa 18,000-square meter nga luna ang iyang napalit kang Edwina Palaran Ybañez niadtong tuig 2020 kondiin nahatag kaniya ang titulo sa yuta pagkasunod tuig.
Kalabot sa claim ni Engr Sergio Pascual nga siya matud pa ang unang tag-iya sa yuta, imposible matud pa kini tungod kay dili mu-isyu ug titulo sa yuta ang gobyerno kung komplikado ang status sa titulo niini.
