BUTUAN CITY – Nagpadayon si Filipino Olympic pole vaulter EJ Obiena sa iyang maayong performance sa indoor season human nakadaog og gold medal sa Germany.
Nakalayat siya og 5.77 metros sa International Springer-Meeting nga gipahigayon sa Lausitz Arena sa Cottbus kagahapon Huwebes (oras sa Manila) samtang si Menno Vloon gikan sa Netherlands nakalayat usab sa susamang gitas-on.
Dapat unta adunay jump-off aron mahibaw-an ang mananaog, apan gideklara sa mga opisyal nga duha sila nga midaog human parehong napakyas sa 5.84 metros kansa unang higayon nga duha ka atleta ang nagbahin sa top spot sa Cottbus.
Ang gold medal nakadugang sa kusog ni Obiena human makakuha og bronze sa ISTAF Indoor Dusseldorf sa sayong bahin ning semanaha.
Ang American pole vaulter ug defending champion nga si Sam Kendricks nakahuman sa ikatulo nga pwesto human nakalayat og 5.77 metros sa tulo ka attempts.
