BUTUAN CITY – Mi-abot sa siyam ka mga balay inay nga pito lang ang na-demolish sa may Purok 3, Brgy Doongan ning siyudad sa Butuan kaganina nga gipalagan sa wala unta’y labot tungod sa wala pagpaminaw sa demolition team ilabina sa nanguna nga sheriff sa ilang rason.
Sigon ni Phoebe Jane Salvaleon, wala’y labot sa claimant sa yuta ang iyang gitarukan sa balay rason nga wala siya padalhi og notice ingon man summon dihang gipatawag ang pito ka pamilyang apektado sa gi-claim nga yuta nga maoy subject sa demolisyon.
Bisan matud pa og iyang gipasabot sa demolition team nga wala ma-apil sa listahan ang iyang balay uban sa balay sa iyang igsoon apan wala kini paminawa ilabina sa nanguna sa grupo nga naila lang sa apilyedong Raganas.
Ang iya pang gikasakit tungod kay walal gi-apil og lista sa taga-City Housing and Development Department nga hatagan og relocation site tungod kay wala lage sa listahan sa mga subject sa demolisyon ang ilang mga pangalan. Gusto nilang mapanubag ang demolition team sa pag-apil sa pagguba sa ilang balay.
