BUTUAN CITY – Pito ka mga balay ang gikatakdang i-demolish ugmang adlawa sa may Purok 3, Brgy Doongan ning siyudad human nagpagawas og demolition order ang korte pabor sa tag-iya niini nga pamilya Balaran pinaagi sa sumusunod niining si Edwina Balaran.
Nasayrang base sa demolition order, sugdan unta karong adlawa ang demolisyon hangtud sa Enero 29 apan wala kini madayon kaganina tungod sa pagkwestyon sa nagpa-ila usab nga tag-iya sa titulo sa yuta nga si Engr Sergio Pascual kondiin nag-abot sila sa barangay office kaganina ni Balaran.
Sigon ni Miguelito Curalde, usa sa mga apektadong residente, sa maong lugar siya nagdako tungod kay dinhi matud pa nagbasak ang iyang amahan sulod sa 30 ka mga tuig.
Kamatu-uran niini, duna na siya’y halos 40 ka punuan sa lubi nga iyang gitanom napulo ka tuig na ang nakalabay nga karon maoy iyang gikuhaan sa ilang inadlaw nga panginhanglanon.
Lima matud pa silang managsoon ang apektado sa demolisyon nga gipahibalo lang kanila niadtong Enero 24 dihang gipatawag sila sa barangay office.
Ang ilang gipalagan kay pila lang ka adlaw ang gihatag kanilang tagal aron sila muhawa kansa sa ilang lantaw kalapasan sa balaud ilabina nga wala sila’y kwarta nga gamiton aron makabalhin gilayon sa laing lugar.
Hangyo lang niini nga hatagan sila og pila ka buwan nga makabalhin tungod kay wala matud pa sila’y plano nga angkunon ang maong luna.
Samtang susamang hangyo usab ang emosyunal nga gipa-abot sa ginang nga si Elvira Kuizon ngadto kang Edwina Balaran nga tugutan una silang makabalhin aron dili ma-ataw ataw ang ilang pamuyo.
Aminado si Kuizon nga sakit kini alang kanila ilabina nga gibayran matud pa sa iyang amahan ang yuta nga gitarukan sa ilang balay og 50-mil pisos ngadto sa barangay rason nga kabilin kini sa iyang amahan.
Lisod matud pa alang kaniya higayong mapapahawa na sila sa maong lugar tungod kay mangita na usab sila og laing trabaho.
