BUTUAN CITY – Operahan karong gabii ang negosyanteng engineer sa pagpamusil kaganinang alas-12:50 sa udto sa Purok 5, Brgy Ambago ning siyudad sa Butuan.
Anaa na sa luwas nga kahimtang ang usa ka negosyanteng engineer human lini gipusil sa riding-in-tandem suspects kaganinang alas-12:5- sa hapon sa Purok 5, Barangay Ambago ning siyudad sa Butuan.
Naila ang biktimang si Criz Remil Pagne, 35-anyos, duna’y ka-ipon ug residente sa Barangay Mandamo ning siyudad.
Base sa inisyal nga imbestigasyon sa ginsakpan sa Butuan City Police Station 3, pasado alas-12:40 sa hapon dihang mi-abot sa dapit nga nahitabuan ang biktima aron mukuha og duha ka mga fire extinguishers alang sa iyang kliyente.
Dihang panaog na unta siya sa iyang sakyanan, kalit lang mitapad sa walang bahin sa iyang sakyanan ang wala pa mailang suspek dayong pusil kaniya sa makatulo ka higayon nga mi-igo sa iyang tiyan ug daling nanibat ang mga responsable padulong sa direksyon sa Brgy. Libertad.
Dali usab nga gidala sa Agusan Provincial Hospital ang biktima samtang padayon ang imbestigasyon sa kapulisan aron ma-ilhan ang mga responsable ug masuta ang motibo sa kremin.
