BUTUAN CITY – Gipasigarbo sa Philippine Sports Commission (PSC) nga wala na’y mahimong aberya ug andam na gyud sila sa pag-host sa pinaka-unang Philippine Women’s Open.
Sumala ni PSC Chairman Patrick Gregorio, sa wala pa ang tournament qualifiers nga sugdan ugmang adlawa Sabado, 100 porsiyento nang andam ang tennis court sa Rizal Memorial Sports Complex.
Daghan matud pa sila’g gihimong mga kausaban ug pag-ayo nga gihimo sama sa fan zone, garden, ug mismo sa mga playing court.
Sugod pa niadtong bulan sa Disyembre, nagtinabangay na ang PSC, Department of Public Works and Highways, ug City Government sa Manila aron mahan-ay ug maayo na ang Rizal Memorial Sports Complex.
Magsugod ang main draw matches sa Philippine Women’s Open gikan Enero 26 hangtod 31, samtang ang qualifiers magsugod ugmang adlawa Sabado, Enero 24 hangtod 25.
