BUTUAN CITY – Nakalingkawas gikan sa tinong kamatayon ang usa ka negosyante ug kanhi membro sa Sangguniang Bayan sa lungsod sa San Francisco, Agusan del Sur human nga wala ma-intimano sa pagbusikad sa gitu-uhang granada nga gilabay sulod sa iyang sakyanang elf kagahapon sa buntag.
Sigon ni Genden Dayondon, karga sa iyang elf ang 251 ka galloons sa tubig nga ipang-deliver unta ngadto sa iyang mga suki sa pipila ka mga barangay sa lungsod.
Pag-abot matud pa niya sa Purok 6, Brgy Pisaan, namatikdan na niya ang usa ka motorsiklo nga gisakyan sa naka-helmet og kolor puti ug naka-jacket og itom.
Mihunong matud pa kini og kalit sa iyang tungod, rason nga iyang nakita ang gikuptan niining granada nga gikuhaan pa og pin sa wala pa mailang responsable dayong labay sulod sa iyang sakyanan dungan usab sa iyang pagpatighulog kilid sa sakyanan.
Didto na niya nadungog ang pagbusikad nga gisundan sa baga nga aso ug iya usab nga nakita ang pagsibat sa responsable padulong matud pa sa direksyon sa Brgy Tagapua, nga gitu-uhang nahadlok dihang nagpasumangil siya og kuot sa iyang kilid sa hawak nga posibleng gitu-uhan sa responsable nga armas
