BUTUAN CITY – Target ni Pangulong Ferdinand R. Marcos Jr. nga magtukod siya og dugang 300 ka mga palay processing centers sa tibuok Pilipinas karong tuiga aron lig-unon ang seguridad sa pagkaon sa nasud.
Gipahibalo kini sa presidente atol sa inspeksyon sa bag-ong natukod nga Rice Processing System (RPS) sa Hamtic, Antique, nga adunay modernong drying ug milling facilities, farm inputs, makinarya, ug solar power.
Gipadayag niini nga ang RPS makatabang sa mga mag-uuma sa otomatikong pagp-auga ug paggaling sa palay, nga makapamenos sa kahago ug maka-produce og high-quality rice.
Sa pagkakaron, 152 na ka susamang pasilidad ang natukod apan gusto pa niya nga madugangan kini aron malikayan ang pagpauga sa palay sa kalsada nga kasagaran maligsan sa mga sakyanan.
