BUTUAN CITY – Dili mu-ubos sa 21 ka mga tawo ang patay human ang panagbangga sa mga high-speed trains sa southern Spain, ug gitu-uhan sa mga otoridad nga posibleng musaka pa ang death toll niini.
Nahitabo ang insidente duol sa lungsod sa Adamuz, kansa duol lang sa Cordoba City dihang ang usa ka high-speed train nga mibiyahe gkan sa Malaga padulong ngadto sa Madrid, nadiskaril ngadto sa laing riles, base na sa pagkumpirma sa rail network operator nga Adif.
Ang ikaduhang tren nga mibiyahe sa opposite direction, gikan sa Madrid padulong ngadto sa Huelva, nadiskaril usab.
Sigon ni Spanish Prime Minister, Pedro Sánchez, ana akaron sa tumang pagbangutan ang ilang nasud ug sigon usab ni transport minister Oscar Puente, kapin sa 30 ka mga tawo nga gitambalan sa ospital ang anaa sa delikadong kahimtang dayong hulagway sa maong mga panghitabo nga grabe ka katingalahan samtang padayon pang gisuta ang hinungdan sa maong mga aksidente.
Sigon ni Adamuz mayor Rafael Moreno, daw susama urom ang nahitabo samtang gipadayag usab sa Andalusian emergency services nga dili mu-ubos sa 73 ka mga tawo ang angol. Ang nangalimbuwad nga tipaka sa tren nagpalisod sa ma rescuers pag-recover sa mga survivors ug sa mga patay’ng lawas.
