BUTUAN CITY – Girekomenda sa National Police Commission kon NAPOLCOM ang pagtangtang kang kanhi Criminal Investigation and Detection Group kon CIDG chief Police Brigadier General Romeo Macapaz uban sa 11 ka mga puliS may kalabutan kini sa pagkawala sa mga sabungeros.
Sumala ni NAPOLCOM Vice Chairman ug Executive Officer Ralph Calinisan, nakit-an nila ang bug-at nga ebidensya sa grave misconduct, obstruction of justice, ug conduct unbecoming of a police officer.
Ang mga pulis nga gipatangtang gilayon, gilangkuban nila Police Lieutenant Colonel Ryan J. Elia Borapa; Police Major Mark Philip Cimborio Almedilla; Police Executive Master Sergeant Aaron Ezra Lagahit Cabillan; Police Chief Master Sergeant Arturo Opalla Dela Cruz Jr.; Police Senior Master Sergeant Joey Natanawan Encarnacion; Police Senior Master Sergeant Mark Anthony Aguilo Mandrique; Police Senior Master Sergeant Anderson Orozco Abari; Police Staff Sergeant Alfredo Uy Antes; Police Staff Sergeant Edmond Hernandez Muñoz; Police Corporal Angel Joseph Ferro Martin; ug Police Staff Sergeant Renan Lagrosa Colencho.
Gawas sa pagtangtang sa serbisyo, kuhaon usab kanila ang mga benepisyo sa pagretiro, kanselahon ang eligibility, ug hatagan og perpetual disqualification sa paghawid sa bisan unsang posisyon sa gobyerno.
Ang pagtangtang kang Macapaz anaa na sa kamot ni Pangulong Ferdinand Marcos, samtang ang pagtaktak usab sa 11 ka kapulisan, ipatuman gilayon.
