BUTUAN CITY – Hugot nga monitoring ang gihimo karon sa mga opisyales sa Brgy Masao ning siyudad sa Butuan sa ilang mga beach resorts aron masiguro nga wala’y maligo og dagat karong dagko ang balud tungod sa bagyong Ada.
Sigon ni Kagawad Evangeline Igot, mismong ang ilang kapitan ang nanguna sa pag-monitor sa ilang mga beach resorts ka-uban ang mga kagawad ug mga barangay tanod.
Gipasabot sa opisyal nga sa ingon niini nga panahon, tugutan lang nila ang pagtambay sa mga cottages apan dili ang pagkaligo sa dagat. Higayong duna matyd pa’y mamugos, ila kining pahaw-ason masiguro ang ilang kaluwasan.
Samtang gipadayag usab ni Kagawad Felix Lariba nga bisan og ang beach resorts maoy tuburan sa kinitaan sa ilang mga residente, apan kinahanglang unahon nila ang kaluwasan sa tanan rason sa hugot nilang pag-monitor ug dili pagpasulod una sa mga beach-goers.
