BUTUAN CITY – Patay na dihang nakit-an ang usa ka 15 anyos nga dalagita sa usa ka kapinyahan sa Barangay Maligo, Polomolok, South Cotabato, human kini mawala sulod sa halos duha ka adlaw.
Sigon sa inahan sa biktima nga si Mary Joy Mahinay, usa ka harvester ug residente sa Purok 5 Dam, Barangay Landan, Polomolok, katapusan niyang nakita ang iyang anak nga si alyas ‘Gaga’ niadtong Martes sa udto, Enero 13, human kini nananghid sa ilang paryente nga maligo sa usa ka swimming pool nga duol ra sa ilang pinuy-anan.
Nasayrang anaa siya sa trabaho niadtong panahona rason nga wala niya mapugngi ang iyang anak.
Kaganinang buntag lang, Enero 15, nakit-an sa usa ka trabahador sa kapinyahan ang bata nga wala na’y kinabuhi ug wala na’y underwear rason nga gitu-uhang gilugos kini adiser gipatay.
Gipadayag pa sa inahan nga kanunay muawas ang iyang anak matag gabii ug dili kini maminaw sa iyang mga pahimangno rason nga wala niya damha nga mu-abot kini nga trahedya sa iyang anak.
Padayon karon ang imbestigasyon sa mga otoridad aron maila ug madakpan ang suspetsado’.
