BUTUAN CITY – Gikasuhan sa mga estado sa Minnesota ug Illinois si United States President Donald Trump aron mapugngan ang pagpakaylap sa mga federal immigration agents sa Immigration and Customs Enforcement kon ICE sa ilang mga lugar.
Kini human napatay ang 37-anyos nga babaye nga si Renee Good, dihang gipusil sa usa ka ICE agent hinungdan sa pag-ulbo sa mga protesta sa nagkada-iyang bahin sa Amerika isip pagkondena.
Sa ilang reklamo, gihangyo sa mga estado ang federal court nga ideklarang iligal ang pag-deploy sa mga ICE agents.
Alayon niini, gipadayag sa kampo ni Trump nga kumpyansa sila nga modaog sa kaso, samtang gipadayag usab ni White House Border Czar Tom Homan, nga ila lang gisunod ang balaod nga gi-aprobahan sa Kongreso.
Bisan pa man, gipadayag ni Trump nga dili siya mahadlok, ug mas dugangan pa nila ang ihap sa mga ICE agents nga ipakatag sa nagkalain-laing lugar.
