BUTUAN CITY – Gimando na ni Pangulong Ferdinand R. Marcos Jr. ang pag-apply og extradition treaty sa Portugal aron mapapa-uli na sa Pilipinas si resigned Ako Bicol Representative Elizalde ‘Zaldy’ Co, nga nalambigit sa anumalusong flood control projects sa Department of Public Works and Highways kon DPWH.
Sumala sa impormasyon nga nakuha sa Department of the Interior and Local Government (DILG), gitu-uhang nagtago si Co sa Portugal ug adunay pasaporte sa maong nasud.
Matod ni DILG Secretary Jonvic Remulla, gimando na sa Presidente ang pormal nga pag-apply sa extradition treaty bisan wala pa’y kasabotan tali sa duha ka nasud.
Pinaagi sa Interpol, mag-request ang gobyerno sa repatriation kang Zaldy Co aron masuta kung tinuod nga anaa kini sa Portugal.
