BUTUAN CITY – Gikumpirma sa Department of Budget and Management kon DBM nga gikibhangan ang intelligence ug confidential funds sa Office of the President alang karong tuiga rason nga gikan sa ₱12.12-B ning mi-aging tuig, nahimo na kini karong ₱11.80-B.
Sigon ni Budget Sec. Rolando Toledo, gisunod sa Malakanyang ang nagtunhay nga mga patakaran sa paggamit sa maong pundo aron masiguro ang accountability ug transparency.
Dugang pa ni Toledo, nakalatid sa joint circular sa DBM ug Commission on Audit kon COA ang mga patakaran ug accounting sa maong pundo kondiin obligado ang buhatan sa presidente nga magsubmite og report ngadto sa House of Representatives ug sa Senado aron mabantayan ang paggamit niini.
Giklaro usab sa kalihim nga ang maong lakang kabahin sa saad nga mas ma-ampingon ug responsableng paggasto.
