BUTUAN CITY – Gihikay na sa Police Regional Office kon PRO-13 ang kasong administratibo nga ipasaka batuk sa usa ka pulis nga nagpabuto sa iyang issued firearms didto sa Purok 1, Gamaon District, Brgy Mangagoy, Bislig City, lalawigan sa Surigao del Sur.
Madumdumang nadakpan ang suspetsadong usa ka police master sergeant kinsa nagpabuto niadtong Disyembre 18 sa alas-10:47 sa gabii kansa nasaksihan sa usa ka concerned citizen nga maoy misumbong sa mga pulis sa maong siyudad hinungdan sa iyang pagkasikop.
Nasuta pa sa inisyal nga imbestigasyon nga hubog ang maong pulis dihang mipasalba sa iyang 9mm pistol.
Nasayrang hugot nga gidili sa kadumalahan sa Philippine National Police ang indiscriminate firing tungod kay maghatag kini og peligro sa komunidad, ilabina sa holiday season nga daghang tawo ang nagselebrar.
Ang pag-apil sa mga pulis sa pataka nga pagpa-arak sa ilang armas, nagpasabot nga kinahanglan pang kusgan ang internal discipline ug monitoring.
