BUTUAN CITY – Hugot nga gipatuman sa Land Transportation, Franchising and Regulatory Board kon LTFRB-Caraga ang ‘Oplan Biyaheng Pasko’ sa mga terminals ning rehiyon sa Caraga ilabina dinhi sa sa dakbayan sa Butuan.
Sigon ni Jay Rosales, tumong niini nga masiguro ang luwas nga biyahe sa mga pasahero paggawas ug pasulod ning siyudad rason nga gi-check nila ang mga bus nga anaa sa Langihan Integrated Bus Terminal sama sa kondisyon sa ilang mga ligid, preno, mga bintana ug uban pa nga kinahanglan alang sa kaluwasan sa tanan.
Base sa ilang obserbasyon sukad pa ning mi-aging semana, wala sila’y nakitang mga yunit nga nakalapas sa ilang kampanya apan magpadayon ang ilang presensya sa mga terminals hangtud sa unang mga adlaw sa Enero sunod tuig.
Nanawagan na lang kini sa tanang mga drivers nga siguruhon nga kondisyon usab sila sa ilang biyahe ug musunod sa ilang angayang sundong patakaran aron luwas nga maka-abot sa ilang matag-destinasyon.
