BUTUAN CITY – Migawas sa digital forensic examination sa na-missing nga bride-to-be nga nakasinati kini og personal dilemma, nag-atubang og emotional distress, duna’y problemang pinansyal tungod sa medical condition sa iyang amahan ug mihimo og mga searches kalabot sa makamatay nga mga medikasyo.
Sigon sa Quezon City Police District (QCPD), ang ilang findings gibase sa forensic examination sa mga gadgets nga gipanag-iyahan ni Sherra de Juan.
Nasuta sa imbestigasyon sa kapulisan nga adiser ang pagkahanaw ni Sherra, nakita sa iyang laptop nga nag-search kini online og mga tambal nga makapatay, epekto sa pag-overdose sa pipila ka mga tambal ug ang iyang umalabot nga kasal.
Sa pagkakaron, gihimong person of interest si Mark Arjay Reyes, ang fiancé ni Sherra.
Niadtong Sabado, gi-share ni Reyes ang Facebook post sa igsoon ni de Juan nga minegar sa mga claims nga nag-antus sa financial problems ang na-missing nga bride-to-be kinsa wala pa gihapon makit-i sukad niadtong Disyembre 10.
Sigon sa mga otoridad, katapusan niyang nakia sa Commonwealth Avenue corner Atherton Street sa may North Fairview pasado ala-1:30 sa hapon ug dinhi na dayon mihimo og sunod-sunod nga Facebook posts si Reyes nga mi-apela og tabang ngadto sa publiko aron tabangan siyang makita ang iyang fiancée.
Niadtong Sabado, mihimo siya og laing post nga muhatag og P150,000 nga reward alang sa posibleng mga leads nga mahimong musangpot sa pagkakaplag ni Sherra.
