BUTUAN CITY -Patay na si kanhi Department of Public Works and Highways (DPWH) Undersecretary Catalina Cabral human matud pa nahulog sa pangpang sa Kennon Road sa Tuba, Benguet.
Si Cabral, usa sa mga main figures sa gika-ingong kickback schemes sa flood control corruption scandal ug nalambigit matud pa sa budget insertions gikan sa bilyones pisos nga flood control projects, kansa iyang gipanghimakak.
Isip Undersecretary for Planning and Public-Private Partnership kaniadto, siya ang nagdumala sa pag-andam sa budget sa DPWH ug sa mga proyekto sa imprastruktura, ug tungod sa kontrobersiya nga padayong gituki, mi-resign kini sa iyang posisyon.
Sumala sa report sa kapulisan, mi-asuy ang driver ni Cabral nga gipahunong siya ug nagpabiya daplin sa dalan, apan sa iyang pagbalik wala na niya kini sa iyang nahimutangan rason nga gipangita kini ug nakit-an na paglabay sa pipila ka oras nga wala na’y kinabuhi kilid sa Bued River, mga 20 metros ubos sa highway.
Alayon niini, gimando na sa Office of the Ombudsman ngadto sa mga otoridad sa Benguet nga kuhaon ug tipigan ang cellphone ug uban pang gadgets ni Cabral aron gamiton sa imbestigasyon.
