BUTUAN CITY – Gatusang mga farmer-beneficiaries sa entiro Caraga Region ang nakapahimulos sa gipang-apod apod nga mga dokumento sa Department of Agrarian Reform kon DAR.
Ang mga mag-uumang gikan sa tanang lalawigan sa rehiyon, nagtigom sa Satorre gymnasium sa lungsod sa Buenavista, Agusan del Norte uban sa pag-facilitate sa DAR-Caraga.
Gi-award ngadto sa mga benepisyaryong mag-uuma og sa mga Agrarian Reform Beneficiaries Organizations kon ARBOs ang mga electronic titles kon e-Titles, Regular Land Acquisition and Distribution kon LAD documents, Certificates of Land Ownership Award kon CLOA, Certificate of Condonation with Release of Mortgage kon COCROM ug Certificates of Recognition alang sa mga ARBOs.
Kini nagpalig-on sa kakomitido sa gobyerno nga maka-secure og land tenure ug mapalig-on ang mga farmers’ organizations ning rehiyon.
Gipangunahan ang maong kalihukan ni Undersecretary Amihilda Sangcopan, sa Finance Management and Administration Office (FMAO) kinsa mao usab ang kasamtangang Usec sa Office of Mindanao Affairs (OMA), isip hulip kang Secretary Conrado Estrella III nga wala makatambong sa maong event.
