-- ADVERTISEMENT --
BUTUAN CITY – Pipila ka mga residente sa Purok 8-C, Brgy Ambago ning siyudad sa Butuan, mipa-abot na sa ilang reklamo sa Bombo Radyo Butuan tungod sa usa ka buwan na nga wala’y paghubas nga baha sa ilang lugar.
Nagsugod matud pa kini atol sa paghapak sa bagyong Tino hangtud nga misunod pa ang laing Uwan ug Verbena nga mipasamot sa baha.
Wala matud pa’y kagawasan sa tubig kay ang imbornal gisira tungod kay private property matud pa kini samtang ang pikas tampi usab sa imbornal, dili usab nila mahangyo nga ma-ablihan man lang.
Gireklamo sa mga residente tungod kay halos dili na sila makapanginabuhi tungod kay mabalda matud pa sila sa wala’y pagkahubas nga tubig-baha.
