BUTUAN CITY – Gisaway ni Vice President Sara Duterte si Pangulong Ferdinand “Bongbong” Marcos Jr. tungod sa iyang pamahayag batok sa igsoon nga si Senadora Imee Marcos, dayong butyag nga daw nag-gaslight siya sa mga tawo nga nagpakita og kabalaka kaniya.
Kini human una nang gi-akusahan sa senadora ang manghod nga presidente nga nagumon sa illegal drugs ug kini naka-apekto sa iyang mga desisyon.
Dali usab kining gitubag sa presidente pinaagi sa pagbutyag nga dili angay ipubliko ang “family matters” nga gipatabanan pa niya pagbutyag nga nagpakita siya og kabalaka sa gika-ingong “unusual behavior” sa iyang igsoong senadora.
Sigon ni VP Sara, ang gihimo sa presidente nagsumbalik na hinuon sa problema ngadto sa tawong nagpakita og kabalaka imbes nga i-acknowledge ang tinuod nga isyu.
Tungod niini, iyang gi-awhag ang pangulo nga undangon ang gaslighting ug magpakita og klaro nga tubag sa akusasyon pinaagi sa pagpa-ilalom sa hair follicle test.
