BUTUAN CITY – Trending karon ang video message ni Mayor Jose Nelson ‘Tata’ Sala Sr. sa lungsod sa Sta. Cruz, Davao del Sur, pila ka adlaw adiser gipusil-patay si Kapitan Oscar Bucol Jr sa Brgy Tres de Mayo, sakop sa Digos City sa susamang lalawigan kagabii.
Kini tungod sa dayag kaayong pagbahad nga iyang gihimo human nahalangan sa init nga birada sa kapitan taliwa nga wala kini magtumbok og pangalan kalabot sa usa ka mayor nga nalambigit sa init nga isyu sa maong lalawigan.
Una nang gipadayag sa Davao del Sur Police Provincial Office nga duna na sila’y gitutukan nga tulo ngadto sa upat ka mga persons of interest nga gitu-uhang duna’y kalambigitan sa pagpusil-patay sa biktima kagabii samtang nag-live sa iyang social media account.
Una nang nag-post ang biktima sa post sa maong mayor nga nagpakita sa iyang dagway ug misaway sa iyang gihimo, taliwa nga wala matud pa niya kini hilabti nga misamot pa dihang nagpagawas kini og video nga mitira usab kaniya.
