BUTUAN CITY – Patay nang napalgan ning buntaga lang sa tubigang bahin sa Purok 5, Brgy Los Angeles ning siyudad sa Butuan ang 9-anyos nga batang si Maria Alleyah Jarezah Te human kini na-missing sa ilang pinuy-anan sa Purok 17, Cigla Village sa susamang barangay.
Madumdumang naghanyag na og 20-mil pisos nga reward niadtong Sabado, ang pamilya sa makatudlo sa iyang nahimutangan dihang wala pa kini makita.
Una nang mitumaw nga duna’y nakakita sa biktima ka-uban ang usa ka hamtong nga lalaki nga mipadulong sa Sitio Lucsuhon sa susamang barangay dihang duna’y kalingawan sa ilang lugar niadtong Nobyembre 20 sa gabii.
Nagtinabangay pa ang mga residente og mga opisyales sa maong barangay pagpangita sa bata kondiin apil sa gisuhid ang mga sagbutong bahin sa maong lugar.
