BUTUAN CITY – Gipahimanguan sa Department of Labor and Employment (DOLE) ang mga private employers sa ilang obligasyon nga ihatag ang mandatory 13th month pay sa ilang mga empleyado adiser ang Disyembre 24.
Gipahinumdoman na ni Labor Secretary Bienvenido Laguesma ang mga employers sukad pa niadtong Oktubre, sa ilang responsibilidad nga hatagan ang ilang mga empleyado og 13th month pay kansa bugti sa usa ka buwan nga sweldo.
Nakalatid matud pa kini sa Labor Code of the Philippines ug sa Presidential Decree 851 nga kwalipikado ang mga trabahante sa pribadong kompanya alang sa 13th month pay.
Apil usab niini ang mga rank-and-file employees nga sweldado og fixed o guaranteed wage basta naka-render sila og usa ka bulan nga trabaho; apil na kadtong mga aduna’y multiple employers; ang mga ni-resign; mga natangtang sa trabaho; o anaa sa maternity leave ug nakadawat og salary differential.
Samtang ang mga dili sakop sa 13th month pay mao kadtong mga nagtrabaho sa personal service ug kadtong mga nanginabuhi nga base sa komisyon.
