BUTUAN CITY – Nagsuspende sa ilang trabaho ang Korte Suprema karong adlawa hangtud ugma (Lunes ug Martes) tungod sa padayon nga rally sa mga sakop sa Iglesia Ni Cristo nga nagsugod kagahapon.
Hinuon, duna lama’y skeleton workforce ang ilang opisina sa Padre Faura ug Taft Avenue, Ermita, ilabina sa mga Docket Receiving Section sa Judicial Records Office ug Cash Collection and Disbursement Division sa Fiscal Management and Budget Office.
Samtang ang uban nga mga empleyado pasagdan nga mag-work from home.
Susamang set-up usab sa mga empleyado sa Court of Appeals sa Orosa Street, Ermita, ang gi-adaptar kondiin work from home gihapon, gawas sa mga One-Stop-Processing Center, Finance Offices, General Services Division ug Medical Division.
Susamang set-up alang sa mga empleyado sa Sandiganbayan sa Commonwealth ug sa Court of Tax Appeals sa Diliman, Quezon City.
Tungod niini, ang tanang mga empleyado sa korte sa Manila mag-work from home, gawas sa skeleton workforce nga mag-atiman sa mga importante nga buluhaton.
