BUTUAN CITY – Malampusong napahigayon sa Bombo Radyo Philippines ang Dugong Bombo 2025, ang pinakadakong single-day voluntary blood-letting event sa nasod, uban ang suporta sa Bombo Radyo Philippines Foundation, Inc. ug Philippine Red Cross.
Gihimo kini dungan sa 25 ka mga key areas sa tibuok Pilipinas ug sa 32 ka mga AM ug FM stations sa network.
Alang sa Bombo Radyo Butuan, ang kampanya malampusong naka-kolekta og 93 ka blood bags, naka-provide sa partners og blood banks nga adunay crucial supply sa kaluwasan, life-saving blood.
Bisan pa sa epekto sa kusog nga mga bagyo ug linog sa pipila ka rehiyon, nalabwan niini ang rekord sa miaging tuig human nga 4,674 ka bags sa dugo ang nakolekta kon bugti sa 2,103,300-cc, o kapin 2,103 ka litro kon 10 ka drums nga makaluwas og daghang kinabuhi.
Nagpakita kini sa padayon nga kaisog, kalooy, ug espiritu sa bayanihan sa mga Pilipino gikan sa lain-laing sektor sama sa mga estudyante, trabahante, uniformed personnel, propesyonal, ug mga komunidad nga organisasyon.
Sulod sa halos duha ka dekada, ang Dugong Bombo nahimong lig-on nga lifeline alang sa mga komunidad, naghatag og liboan ka yunit sa dugo matag-tuig alang sa mga pasyente panahon sa emerhensiya, pagpanganak, operasyon, tambal sa kanser, ug uban pang kritikal nga panginahanglan medikal.
Uban sa tema nga “A Little Pain, A Life to Gain,” gilusad ang programa nga bisan gamay lamang ang kasakit sa pagdonar, dakong higayon sa kinabuhi ang mahimong mahatag niini.
Gisuportahan sa Catholic Bishops’ Conference of the Philippines (CBCP) ang kalihokan ug gihulagway ang pagdonar isip buhat sa pagtuo, pagkakawanggawa, ug gugma sa isigkatawo.
Sa pagtapos sa Dugong Bombo 2025, gipalig-on sa Bombo Radyo ang misyon sa makataong serbisyo ug pagluwas og kinabuhi, samtang nagpasalamat sa tanang donors, volunteers, medical teams, sponsors, ug mga institusyong mitabang
