BUTUAN CITY – Gikumpirma sa Department of Education kon DepEd nga kapin sa 300 ka mga tunghaan ang nadamyos sa pagkuso-kuso sa bagyong Uwan sa Bicol Region ug sa CALABARZON kon Cavite, Laguna, Batangas, Rizal ug Quezon.
Base sa report sa DepEd Risk Reduction and Management Service,mi-abot sa 1,182 ka mga lawak-tunghaan ang partially damaged samtang 366 ang duna’y dakong damyos ug 261 ang totally damaged.
Gipaniguro usab ni Education Sec Sonny Angara nga nakatutok sila sa kaluwasan sa mga magtutungha ug mga magtutudlo ug sa padayong pagpatungha sa mga estudyante nga anaa sa mga apektadong lugar.
Sa pagkakaron, mi-abot sa 1,072 ka mga tunghaan ang gigamit nga mga evacuation centers gikan sa 11 ka mga rehiyon.
Naggahin na usab ang DeoEd og 20.2-milyunes pisos alang sa clean-up operations ug 57.9-milyunes pisos alang sa minor repairs.
Padayon karong gipatuman ang alternative delivery mode sa pagtudlo aron masigurong dili mahunong ang pagtuon sa mga estudyanteng apektado sa sunod-sunod nga bagyo.
