BUTUAN CITY – Patay nang napalgan ang usa ka lalaki kinsa na-anod sa kusog nga balud human og luwas sa duha niya ka mga pag-umangkon kagahapon sa alas-onse ang takna sa buntag sa usa ka beach resort nga sakop sa Brgy. Cabayawa, lungsod sa Tubay Agusan del Norte.
Ang biktimang si Junrey Chavit Buco, 27-anyos, minyo ug residente sa Purok 7, Sitio Dinacpan, Brgy. Los Angeles ning siyudad sa Butuan, napalgan kaganinang alas-kwatro sa kaadlawon dapllin sa dagat sa Brgy Caasinan, Cabadbaran City.
Sigon sa ausy sa igsoon sa biktimang si Naline Buco, naligo matud pa sila og dagat kagahapon aron aron sa-ulugon ang adlaw’ng natawhan sa ilang amahan.
Dihang anaa na sa tunga-tunga sa ilang paglingaw-lingaw, kalit lang naninggit ang duha niini ka mga pag-umangkon tungod kay nadala sa kusog nga bul-og sa tubig rason nga daling giluwas sa biktima.
Dihang naluwas na ang mga biktima, siya na usab ang nawala human nadala sa tubig-dagat palayo sa ilang nahimutangan.
