BUTUAN CITY – Mi-ani og nagkada-iyang reaksyon sa social media, ang na-flash sa screen nga nawong ni kanhi Pangulong Rodrigo Duterte atol sa turnover ceremony sa Association of Southeast Asian Nations kon ASEAN chairmanship nga gidawat ni Pangulong Ferdinand ‘Bongbong’ Marcos Jr.
Nasayrang dihang gitawag na ang pangalan sa pangulo aron dawaton ang gavel nga simbolo sa pagdumala sa Pilipinas sa ASEAN 2026, gipakita usab sa screen ang visual presentation ang mga hulagway ni kanhi Pangulong Rodrigo Roa Duterte inay nga unta ang kang Pangulong Bongbong Marcos.
Mi-ani kini og reaksyon kondiin ang uban nagkatawa, samtang ang uban nabalaka sa professionalism sa event production. Gika-ingon nga usa ka kini technical glitch o posibleng human error sa pag-edit sa video presentation.
Nasayrang ang Pilipinas ang mu-host sa ASEAN Summit sa 2026, ug si Pangulong Bongbong Marcos ang mahimong chairman sa maong tuig.
Plano sa pangulo nga i-promote ang Pilipinas nga walay pagpanghambog kondili ipakita ang tinuod nga kapasidad sa nasud.
