BUTUAN CITY – Dakong garbo alang sa dakbayan sa Butuan ang unang kada-ugan ni John Rashiel Arcite gikan sa Brgy Libertad, batuk kang Julio Ryan Gargantiel sa Las Piñas City sa muay thai, male 16 to 17-years old, 45-kg category sa nagpadayong Batang Pinoy National Games 2025 nga gipahigayon sa General Santos City.
Uban sa giya ug suporta sa iyang mga coaches nga sila Adrean Quiambao ug Ricky Arcite, gipakita ni John Rashiel ang tinud-anay nga espiritu sa usa ka Butuanon nga mapahiubsanon, isug, disiplina, determinasyon ug mapadayonon. Ang maong mga hiyas duna’y dakong potensyal sa natad sa pa-ugnat sa kusog.
Ang maong kada-ugan dili lamang personal nga kalampusan apan usa usab ka inspirasyon sa tanang kabatan-onan sa Butuan aron magpadayon sa pagpaningkamot ug pagpakita sa ilang talento ug abilidad sa tibuok nasud.
