BUTUAN CITY – Tungod sa kawala na’y paglaum nga aksyunan pa ang ilang reklamo nga balik-balik na nilang gipa-abot ngadto sa Agusan del Norte Electric Cooperative kon ANECO kalabot sa gabok na nilang poste nga maoy gitaptan sa ilang mga metrohan, gipa-abot sa pipila ka residente ang ilang reklamo dinhi sa sibyahan sa Bombo Radyo uban sa pangindahay nga ma-aksyunan na kini.
Sigon ni Francisco Balmis, ice vendor sa may Ampayon Public Market, naghatag og kakuyaw sa ilang kinabuhi sa mga anaa sa merkado ang maong poste.
Gi-inspeksyon na matud pa kini sa taga-ANECO sa nakalabay nga duha ka buwan ug gisa-aran silang balikan ra aron ayuhon apan hangtud karon, wala pa kini matrabaho.
Niadtong mga nakalabay nga linog, grabe na matud pang sayaw sa maong poste nga gikabalak-an niyang mubigay na rason nga gidangop na nila kini sa Bombo Radyo aron matabangan nga mapadali ang pag-aksyon sa taga-ANECO.
