-- ADVERTISEMENT --
BUTUAN CITY – Angol ang usa ka motorista apil ang iyang angkas human mibangga ang gimanihuan niining motorsiklo sa foundation sa poste sa street light pasado alas-6:00 ning buntaga kilid sa national highway sa Brgy Ampayon ning siyudad sa Butuan.
Sigon ni Melchor Sag-on, ang driver sa motorsiklong si Reneboy Balendres ug ang angkas niining iyang ka-ipon, gikan matud pa nag-duty sa ilang gitrabahuang plywood company ug pa-uli na unta sa Brgy Tabon-Tabon, lungsod sa Sibagat, Agusan del Sur.
Nakapiyong matud pa si Balendres rason sa maong disgrasya.
Dali na silang gidala sa Butuan Medical Center sa miresponding mga rescuers gikan sa City Disaster Risk Reduction and Management Office aron matambalan.
