BUTUAN CITY – Gipagawas na sa mga otoridad sa Manchester, England ang rason sa kamatayon ni kanhi world boxing champion Ricky Hatton.
Sigon ni Alison Mutch, ang senior coroner sa Manchester South nga nga maoy nanguna sa imbestigasyon, mismong ang 46-anyos nga boksingero ang nagkutlo sa iyang kinabuhi human kini nakitang nagbitay na. Una nang gibutyag sa manager niining si Paul Speak nga napalgan na lang niyang wala nay kinabuhi ang boksingero sa balay niini sa Hyde, Greater Manchester niadtong Setyembre 14.
Madumdumang tuig 2007 dihang gipatilaw ni American boxing champion Floyd Mayweather sa iyang unang kapildihan si Hatton dihang duna kini limpyo nga record nga 43 ka daug. Miretiro siya sa boxing sa tuig 2012.
Ning mi-aging semana lang gilubong si Hatton nga gihatud sa pipila ka mga sikat nga boksingero sama nila Tyson Fury ug Frank Bruno.
