-- ADVERTISEMENT --

BUTUAN CITY – Naka-uli na dinhi sa Caraga Region ang mga tawong gipadala sa  Department of Social Welfare and Development (DSWD) Field Office Caraga ngadto sa ilang regional office XI sa Davao City.

Kini human ang malampusong paghatud sa 30,000 ka mga Family Food Packs nga gikarga sa 18 ka mga trak  alang sa  mga biktima sa magnitude 7.4 ug magnitude 6.8 nga linog.

Sigon ni Raffy Vigil, regional information officer sa DSWD-Caraga, malampusong na-unload na kagahapon  sa Panacan warehouse sa Department of Social Welfare and Development kon DSWD Region XI sa Davao City ang maong mga food packs gikan sa  usa ka grupo nga gibansagang Angels in Red Vests uban sa laing mga grupo, uban sa hini-usang katuyuan, ang pagserbisyo sa mga nanginahanglan.

Dugang ni vigil, duna sila’y na-tap nga mga volunteers gikan sa Philippine Army ingon man sa mga Navy reservists, mga Caraga volunteers, ug uban pa nga mitabang sa pagkarga ug diskarga sa 30,000 ka mga Family Food Packs. Kini usa ka lig-ong timaan nga sa panahon sa krisis, ang bayanihan maoy mahimong tulay sa kalay-on aron mabati sa mga nanginahalan ang gugma sa isi’g katawo.

Alayon niini, gipa-abot sa Department of Social Welfare and Development (DSWD) Field Office Caraga ang dakong pagpasalamat ngadto na sa tanang mi-abag sa maong operasyon.

-- ADVERTISEMENT --