BUTUAN CITY – Wala una gipabalikan o gipa-ukupahan sa Caraga Regional Disaster Risk Reduction and Management Council kon RDRRMC, ang mga dakbalay nga duna’y liki human ang kusog nga linog kagahapon.
Kini human na-monitor nga duna’y pipila ka mga business establishments nga duna’y mga cracks apil na ang nahugmak nga outer wall sa Robinson’s Place sa Butuan City.
Sigon ni Fire Sr. Insp Cypol Jay Inocente, ang hepe sa Public Information Office sa Bureau of Fire Protection o BFP-Caraga, kinahanglang sundon kini sa mga tag-iya ug mga tenants sa mga concerned establishments aron masiguro ang kaluwasan sa tanan.
Sa eksklusibong interview sa Bombo Radyo, mi-apela usab ang opisyal sa publiko na likayan una ang pagsuroy-suroy hangtud na dili pa cleared nga luwas ang ilang sudlang establisamiento.
