BUTUAN CITY – Gipasidunggan sa Senado ang Alas Pilipinas Men’s Volleyball Team tungod sa ilang makasaysayanong kalampusan sa 2025 FIVB Men’s World Championship nga gihimo dinhi sa Pilipinas niadtong Septyembre.
Pinaagi sa Senate Resolution No. 143, nga gisumite ni Senador Alan Peter Cayetano, gi-ila ang maong koponan isip mga bag-ong bayani sa sports human sila naka-abot sa 19th place sa 32 ka mga nasud kansa usa ka dako nga milestone sa kasaysayan sa volleyball sa Pilipinas.
Nasayrang sa maong torneyo, si Bryan Bagunas ang ikatulo sa nakatunol og pinakataas og puntos nga gisundan ni Marck Espejo nga mao usab ang labing epektibo nga receiver. Hapit na unta silang makasulod sa Round of 16, apan napilde sila sa Iran sa init nga five-set match.
Sigon ni Senador Cayetano, wala lang sila nakahatag og garbo sa Southeast Asian kon SEA Games, apan lakip na ang paghatag nila og dakong kahinangha sa kalibutan tungod sa ilang maayong performance.
Ang pagpasidungog sa maong mga atleta, usa matud pa ka paagi sa pagdasig sa katawhan ug sa pagpalig-on sa imahe sa nasud.
Nasayrang ang Pilipinas ang mag-host sa 2029 FIVB Women’s World Championship ug sa pagkakaron, padayon ang pag-uswag sa dulang volleyball sa nasud.
