BUTUAN CITY – Magmugna og command ingon man collection center ang lokal nga kagamhanan sa Cebu City aron maoy in-charge sa madawat nila nga mga hinabang, in cash man o in-kind alang sa mga biktima sa gamhanang linog.
Sigon ni Cebu City Mayor Nestor Archival, ipahimutang kini sa entradang bahin sa City Hall ug sa ilang City Library kondiin ang tanan nilang madawat nga hinabang, duna’y bugto nga resibo gikan sa City Social Welfare and Development kon CSWD.
Nasabutan matud pa nila sa ilang gihimong meeting sa executive department kaganinang buntag nga ang bisan unsang kantidad sa salaping cash nga ilang matigom, tugbangan nila kini og susamang kantidad aron maoy ihatag ngadto sa probinsyal nga panggamhanan sa Sugbo sa ingon matabang ngadto sa Bogo City ug sa lungsod sa San Remegio nga maoy nagrabihan sa nasangpit nga kalamidad.
