BUTUAN CITY – Gi-dismiss sa Office of the Ombudsman ang tanang kasong gipasaka batuk kang Justice Secretary Jesus Crispin Remulla ug uban nga duna’y kalambigitan sa pagdakop kang kanhi Pangulong Rodrigo Duterte ug sa pagbalhin sa iyang kostudiya ngadto sa International Criminal Court sa The Hague, Netherlands.
Apil sa mga kasong gi-dismiss ang arbitrary detention, grave threats, usurpation of authority, perjury, grave misconduct, ug conduct prejudicial to the best interest of the service batuk nila Remulla; kanhi Criminal Investigation and Detection Group (CIDG) director and Philippine National Police (PNP) chief General Nicolas Torre III; kanhi PNP chief General Rommel Marbil; Interior and Local Government Secretary Jonvic Remulla; Special Envoy on Transnational Crimes Ambassador Markus Lacanilao; Department of Justice Prosecutor General Richard Fadullon; ug DOJ Undersecretary Nicholas Felix Ty.
Madumdumang niadtong Abril, girekomenda sa Senate Committee on Foreign Relations, nga gipangunahan sa chairman nga si Senador Imee Marcos, ngadto sa Office of the Ombudsman ang pagpasaka og mga kaso batuk sa mga opisyal nga nalambigit sa pagpa-aresto sa kanhi pangulo.
Gihimo ang rekomendasyon human ang gihimong inquiry sa maong komite nga nagtuki sa pag-aresto kang Duterte.
Alayon niini, gipadayag ni Senadora Imee Marcos nga nag-file siya og motion for reconsideration batuk sa kamanduan sa Ombudsman, sa mismong adlaw nga gipagawas ang desisyon.
Kini nasubay matud pa sa Rules of the Office of the Ombudsman [A.O. 7, series of 1990], kondiin mahimong magduso og motion for reconsideration suldo sa lima ka adlaw gikan sa pagkadawat sa notisya sa desisyon.
Dugang sa senadora, tungod kay napasaka n iya ang mosyon sa saktong oras, nagpasabot kini nga duna pa gihapo’y nag-ong ong nga kaso si Secretary Boying Remulla sa Office of the Ombudsman ug ang bisan unsa mang Ombudsman clearance nga magbutyag nga baliktad niini, klaro matud pang dili tinuod ug ang si bisan kinsa mang magpagawas sa maong clearance, kakunsabo matud pa sa maong pagpanglingla.
