BUTUAN CITY – Giklaro ni Baguio City Mayor Benjamin Magalong nga mas kasaligan pa ang imbestigasyon sa Senado kabahin sa mga anumalusong flood control projects kumpara sa imbestigasyon nga gihimo sa Kamara.
Sigon ni Magalong, base sa iyang kasinatian, mas maayo ug mas klaro ang proseso sa Senado tungod kay nakita matud pa sa tanan kung gi-unsa pagdala ang proseso.
Bisan matud pa nga nalakip sa isyu sila Senador Jinggoy Estrada ug Senador Joel Villanueva, nagpadayag gihapon si Magalong sa iyang pagsalig sa Senado, ilabina kang Senator Panfilo Lacson nga mao nay namuno sa Blue Ribbon Committee.
Giklaro usab ni Magalong nga kabalo siya nga aduna’y mga kongresista nga posibleng nalambigit sa mga anumalusong proyekto, apan dili tanan sa mga miyembro sa Kamara apil sa kahiwian dayong dayeg sa katudluan ni Secretary Vince Dizon sa Department of Public Works and Highways tungod kay kaya matud pa niining hinluan ang ahensya.
