BUTUAN CITY – Mi-ulbo ang tensyon tali nila Navotas Rep Toby Tiangco ug House Deputy Speaker Janette Gerin atol sa Joint Committee Hearing on Flood Control Projects sa House of Representatives subay sa mga iregularidad sa mga flood control projects.
Nagka-initay ang duha ka mga magbabalaud dihang gikwestyon ni Rep. Toby Tiangco ang wala pag-require sa pagtestify under oath sa mga nanglingkod nga magbabalaud.
Gi-alegahan usab ni Tiangco si Rep. Elizaldy Co nga mihimo og mga budget insertions atol sa bicameral conference nga misuma-total ngadto sa kapin ₱13 billion. Dihang misulay si Deputy Speaker Janette Garin pag-interject, giputol siya ni Tiangco ug gibalik-balik pagsulti ang mga pulong nga “I have the floor!”
Sigon ni Garin, dili siya gustong musupak sa imbestigasyon nga mag–expose hangtud ngadto sa 67 ka mga magbabalaud nga gikutay ngadto sa mga kwestyunableng flood control projects apan nagbahad siya sa oversight power sa Kongreso batuk sa sayop nga paggamit sa ‘conflict of interest’ sa nagpadayong flood project investigation.
Iya matud pang girespeto ang gipadayag nga mga kabalaka nila Reps Chel Diokno ug Leila De Lima, kondiin bisan siya nakuratan atol sa gihimong budget reviews bag-uhay lang sa Department of Public Works and Highways (DPWH) tungod kay dna’y pipila ka mga alokasyong mitumaw nga gikan taas inay nga gikan unta sa mga local consultations, rason nga ang mga gikinahanglang proyekto, mahulipan na unya sa gusto nga mga proyekto.
