BUTUAN CITY – Mi-abot sa 408-mil pisos nga kantidad sa suspected shabu ang nakumpiska gikan sa nadakpan nga usa ka lalaking pasahero sa MB Pilar Tuna atol sa gilusad nga joint random paneling inspection sa mga otoridad sa pantalan sa Dapa, Surigao del Norte kagahapon.
Ang operasyon gipangulohan sa Dapa Municipal Police Station pagpanguna ni PCPT Violeto Pepito Jr., kauban ang Philippine Drug Enforcement Agency kon PDEA-13, Philippine Coast Guard, ug Philippine Ports Authority kon PPA-Dapa, gamit ang K9 unit.
Sigon ni Captain Pepito, ang suspek nga nailang si Neil Givertz Lenogon, 37-anyos, residente Surigao City, nakuhaan og tulo ka cellophane nga adunay suspected shabu, marijuana, cash nga P41,500, ug drug paraphernalia.
Gikustodiya na siya sa kapulisan alang sa tukmang disposisyon.
