BUTUAN CITY – Patay ang 58-anyos nga engineer ug contractor human kini gipusil kaganinang buntag sa national highway sa Sitio Omanod, Barangay San Francisco, lungsod sa Santa Catalina, Negros Oriental.
Base sa inisyal nga imbestigasyon sa Santa Catalina Police Station, ang biktimang si Engr. Angelito Uy Mendoza, residente sa susamang lungsod, padulong na unta sa quarry site sa maong lugar dihang ang mga suspetsadong sakay sa kolor itom nga Honda XRM motorcycle, mipusil kaniya samtang nagmaneho usab kini sa iyang motorsiklo.
Usa matud pa ka .45 nga kalibreng pistola ang gigamit sa pagpatay base na usab sa narekober nga mga basiyo sa bala sa mismong crime scene.
Padayon pa ang imbestigasyon sa kapulisan alang sa pag-ila sa mga responsable ingon man motibo sa kremin.
