BUTUAN CITY – Gikasuko ug gikadismaya na usab ni Pangulong Ferdinand “Bongbong” Marcos Jr. ang palpak na usab nga ₱273 million nga balor sa rock shed project sa may Kennon Road sa lungsod sa Tuba, Benguet, kondiin gitawag niya kining wala’y gamit ug pag-usik suik lang sa pundo sa gobyerno.
Nasayrang ang rock shed project, gidesenyo aron protektahan ang mga motorista gikan sa landslides ug rockfalls, apan tungod sa grabe ka-substandard niini, ahugmak kini atol sa pagkuso-kuso sa bagyong Emong ug sa kusog ng apagbundak sa ulan niadtong July ning tuiga.
Sa pag-inspeksyon sa pangulo kagahapon, iyang nakita ang palpak nga slope protection hinungdan sa pagdahili sa yuta ug sa mga dagkong bato, rason nga gisira ang dakong bahin sa Kennon Road tungod kay 75-porsiento matud pa sa budget sa maong proyekto, nabulsa na.
Sumala sa Presidente, gibana-banang anaa sa 35% sa panginabuhian sa mga taga-Benguet ang nawala tungod sa wala’y klarong proyekto nga miresulta usab sa pisikal nga pagkaguba sa maong lugar ug pagkaguba sa negosyo.
Saad ni Pangulong Marcos, solbaron niini ang maong isyu adiser kini mokanaog sa pwesto.
